Cong. Freddie Siao supports “Panguil Bay Bridge” project

PRESS RELEASE:
Office of Cong. Freddie W. Siao
Reference: Verne Padilla, Head, BMPC
HOR Political Affairs

Last August, dunay gipagawas nga press release ang atong buhatan nga paghatag og suporta sa atong mga kaubang magbabalaod ngadto sa kongreso. Ilabina niadtong mga magbabalaod or mga kongresista sa atong mga silingang distrito sama sa Lanao del Norte ug Lanao del Sur.

Unsa nga suporta? Suporta sa ilang mga balaodnon nga iduso ngadto sa kongreso nga adunay dakung kalambigitan ang katawhan sa ilang distrito.

Ngano man? Tungod kay nasayod man kita nga ang Iligan City maoy gateway niining duha ka mga probinsiya nga atong gihisgutan. Nasayod kita nga kasagaran sa mga daghang buyers, o mamalitay o konsumante, gikan sa Lanao del Norte ug Lanao del Sur.

Nagpasabot, nga kung unsay mga kaayuhan or mga developments nga ihatag sa mga lideres niining mga dapita, in a way, maka-benefit ang Iligan or ang mga Iliganon.

Pananglitan, niadtong Sabado, nagpagawas ang Mindanao Economic Boom og mga senyales sa katumanan sa dugay na kaayo, or long overdue nga proyekto sa tulay nga magkonektar sa Tangub City, Misamis Occidental ug Tubod, Lanao del Norte. Mao kining gitawag og Panguil Bay Bridge.

Matud pa sa Mindanao Economic Boom, kini maoy mamahimong ‘longest bridge’ sa Mindanao nga mokantidad og 4.859 billion pesos. Sugdan kini, matud pa, sa third quarter of 2017, base sa announcement sa Department of Public Works and Highways o DPWH Region 10.

Usa kini ka maayong balita alang niadtong mga regular nga nagbiyahe gikan sa Misamis Occidental or Ozamiz paingon diri sa Iligan or paingon ngadto sa Cagayan de Oro or vice versa.

Tungod kay malikayan na ang taas nga linya sa mga sakyanan nga mohulat sa biyahe sa barge. Kung ikaw nagbiyahe nga dunay sakyanan, duna nakay choice to either mosakay sa barge didto sa Mukas or moderetso sa Tubod aron moagi sa Panguil Bay Bridge.

Atoa lang panghinaut nga ikonsidera sa gobyerno ang daghang aspeto sa pagsugod og trabho niini, sama sa security. Angayan usab tan-awon sa gobyerno ang pagbantay sa mga trabahante.

Aduna man guy nagpadayag sa iyang kahadlok sa pagpangidnap unya sa mga trabahante, considering the vulnirability sa seguridad sa dapit. Hinoon, positibo man ta nga eventually, ma-stable ang peace and order ug ang security aspects sa dapit.

Nagtoo kita nga labaw sa tanan, mas importante nga adunay lig-on nga mga safety measures alang sa mga trabahante unya aning Panguil Bay Bridge. -Congressman Freddie Siao

 

 

Photo similar to the project

Photo CTTO

Leave a Reply